所以我真係極度唔滿意階級觀念。
單單係戈間餐廳，就有條規矩：「B級以下既員工不得進入。」你唔好你我有冇錢，你定下呢條規矩就真係好唔岩。咁同當年「華人與狗不得進入」有咩分別？有時候唔知咩人，真係識佢米奇，走戈時門外D人，要90度躹恭。愈睇愈火滾。你死左未又係同我一樣，化成灰，你係高級D咩？你都咁大年紀，好大機會仲係你死先。
如果成本高戈D唔做情有可原，但係D濕碎野做好D啦。明知今個星期有一班外國客黎，上網又上唔倒，PRINT野又PRINT唔倒。有客人話水都要錢？冇錯，係酒店水要錢好正常，咁如果一兩枝係FREE既，咁人地條氣都順D。明知自己地理位置唔好，基本上係嚴重影響人流，仲要交通唔方便，巴士又遲到，仲要減班次，真係搵鬼黎呢到。
我冇讀過D乜野管理學，人力資源既野。我淨係知咩係以德服人。不斷打壓員工，賺取暴利同暴君冇分別。秦朝就係因為咁，十幾年就比人收左皮。區區一個總經理既管理態度，就令我厭惡。酒店賺錢，只係你順住時勢走，並唔係你管理得好。所謂得人心者得天下，你少少都做唔到。
我睇你玩得幾多年。
